#danokgernikara

Ekainak 2an larunbata, Gernikan, Euskadiko Langile Komisioetako kideak elkartu dira astean zehar izan diren Murrizketen Kontra mobilizazio kanpiana bukatzeko. Astearen hasieran, hiru lurraldeetan –Araba, Bizkaia eta Gipuzkoan- eskualdeen arteko ibilaldiak hasi ziren, gobernutik egiten ari diren murrizketak salatzeko.

Hiru Lurraldeetatik zetozen taldeak, hiri erdian elkartu dira eta kaleetan zehar Batzarretxearen ondoan dagoen gaztetxeko plazara abiatu dira. Bertan, Unai Sordo, Euskadiko Langile Komisioetako Idazkari Nagusien berbak entzuteko aukera izan dute. Unai Sordoren hitzen arabera, “PPko gobernuak martxan jartzen ari den neurriekin banketxeen irabaziak gero eta handiagoak dira, herria pobretzen den bitartean”. Unaik, langileen batasunerako deia egin du: “Krisiaren irtenbidea ez da Euskadin bakarrik izango, ezta estatu mailan ere, baizik eta globala, federala, Europakoa…” eta horretarako, Europa Sozial eta Solidario bat eraiki behar dugula adierazi du: “Europako Sindikatuekin batera lan egin behar dugu".

“Euskadiko Langileen Komisioak sindikatu soziopolitiko bat da, eta beti mobilizaziok egiteko prest egongo da, gure borrokak ez dira hutsak izango, beti baitugu propoposameren bat eskuan” gaineratu du Sordok.

Unairen diskurtsoa oso sutsua eta hunkibera izan da, eta bertarauen bihotzera iritsi da. Bertan egon garenok  internazionala abestuz eman diogu amaiera ekitaldiari.